Олунньу 20 күнүгэр төрөөбүт тыл, сурук-бичик күнүгэр аналлаах “Бэлэм Буол+” оҕо хаҺыата, “Хатан” ыччат сайдам сурунаала тэрийиилэринэн, Набережнай уокурук 33,21,15 нүөмэрдээх уонна “Айыы КыҺата” орто оскуолаларын икки ардыларыгар “Саха тыла – ийэ тылым” диэн ааттаах ток-шоу “Три-Д” бибилэтиэкэҕэ ыытылынна. БиҺиги оскуолабыт 5“В” кылаас үөрэнээччилэрэ – Алексеева Кристина, Винокурова Нина, Егорова Аня, Иванова Саина, Николаева Сайыына кыттыыны ыллылар.
ТэрээҺин сыалынан оҕону төрөөбут тылга, сахалыы ааҕыыга тапталы иҥэрии, норуотунан киэн туттар төрүөтү тэрийии буолар. Билиини тургутар оонньуулар, бырайыагынан үлэ ыытылынна. Күрэс 10 түҺүмэхтэн турар: буукубалары сааҺылаан тыл таҺаарыы, ребус таайыыта, республика биллиилээх дьоннорун таба ааттааҺын, тылбааска холонуу, таабырын таайсыыта, хаЬыат таҺаарыы о.д.а.
БиҺиги оҕолорбут Василий Босяк “Мин күүстээхпин Ийэ тылбынан” диэн хоҺоонун ааҕан, кэрэ куоластаах Николаева Сайыына ырыатын ыллаан көрөөччү хайҕабылын ылыан ылла.
Е.Р.Николаев – Хатан сурунаал эрэдээктэрэ, Г.Л.Слепцова – Ил Түмэн Дьокутаатын көмөлөҺөөччүтэ, И.Г.Федорова – сүрүн бибилэтиэкэр кыттыылаах Дьүүллүүр сүбэ кыргыттар түмсүүлээхтэрин, сахалыы ылбаҕайдык саҥаралларын, сытыы өйдөрүн бэлиэтээн эттэ. Күрэс түмүгүнэн биҺиги оскуола II бириистээх миэстэҕэ тигистэ. “Тииҥ Мэйии” диэн анал аат хаҺаайынынан буоллулар. Добун суругунан, бирииҺинэн, туоҺу сурук тутуурдаах үөрэн-көтөн тарҕастылар.
Васильева Аида Николаевна –
саха тылын уонна литэрэтиирэтин учуутала
