Муус устар 27 күнэ – Саха Өрөспүүбүлэкэтин Автономиятын төрүттэммит күнэ. Бэлиэ күн чэрчитинэн Ил Түмэн дьокутаата Мария Христофорова көҕүлээҺининэн “Бэлэм Буол+” хаҺыат эрэдээксийэтэ, “Хатан” ыччат сайдам сурунаала Набережнай уокурук 15, 21, 33 №-дээх орто оскуолаларын VI кылааҺын үөрэнэээччилэригэр «Мин төрөөбүт кыраайым – Сахам сирэ” диэн оонньууну тэрийэн ыытта.
Бу күрэх Дьокуускай куорат 15 №-дээх орто оскуолаҕа буолан ааста. Оонньуу сыалынан төрөөбүт кыраай устуоруйатын билии, үөрэтии уонна тапталы иҥэрии буолар. БиҺиги оскуолабытын VI «в» кылаас үөрэнээччилэрэ Ефремова Карина, Ким Михаил, Николаева Мичийэ, Саввина Варя, Сидорова Айаана көмүскээтилэр. Оҕолор оонньуу устата “Саха сирин улуустара”, “УруҺуйдаа”, “Билэҕин дуо?” “Сомоҕо күүс”, “Биллиилээх дьону таай”, “Бэргэн буол” диэн алта ыстаансыйаны аастылар, ыйытыыларга хоруйдаатылар, уруҺуйдаатылар, оонньоотулар. Төрөөбүт кыраайдарын устуоруйатын, улуустары, өрөспүүбүлэкэбит биллиилээх дьоннорун тустарынан үгүҺү биллилэр, көрдүлэр, иҺиттилэр.
Түмүккэ 33 оскуола – I, 21 оскуола – II, 15 оскуола – III миэстэҕэ тигистилэр. БиҺиги оҕолорбутугар “Булугас өйдөөхтөр” диэн анал аат иҥэрилиннэ. Тэрийээччилэр кыайыылахтары анал бириистэринэн наҕараадалаатылар.
Оҕо төрөөбүт дойдутун Сахабыт сирин устуоруйатын билэригэр, киҺи быҺыытынан сайдарыгар бу тэрээҺин биир сүрүн оҥкул буолара саарбаҕа суох.
Васильева Аида Николаевна – саха тылын, литэрэтиирэтин учуутала
