“ТЫЛ ТҮМЭР ТҮҺҮЛГЭТЭ”

Дьокуускай куораттааҕы национальнай гимназия көҕүлээҺининэн, кулун тутар 18 күнүгэр  Былатыан Ойуунускай аатынан Саха академическай тыйаатырыгар «Төрөөбүт тыл – түмэр тыл түҺүлгэтэ» диэн ааттаах  күрэх куорат саха оскуолаларын икки ардыларыгар буолан ааста. Бу күрэх сыалынан үбүлүөйдээх суруйааччылары ырыа-хоҺоон нөҥүө айымньыларын үйэтитии; норуот тылынан уус-уран айымньытын билиитин чиҥэтии; тыйаатыр артыыстарын билии, ытыктабылы иҥэрии; оҺуохай хаамыытын, толоруллуутун тутуҺарга иитии-үөрэтии буолла.

Бу тэрээҺиҥҥэ  9 сахалыы тыллаах оскуола кыттыыны ылла: Дьокуускай куораттааҕы национальнай гимназия,  Саха политехническай лицей, Тулагы орто оскуолата, Айыы КыҺата, Саха гимназия, №2, №17, №26, №33 орто оскуолалар. БиҺиги оскуолабытыттан 6 “в” кылаас үөрэнээччилэрэ (Догордурова Кюннэй, Ефремова Карина, Николаева Мичийэ, Саввина Варя, Сидорова Айаана, Сидорова Юлия) “Ситим” диэн ааттаах хамаанданы туруоран, ситиҺиилээхтик кытыннылар. Күрэх 5 түҺүмэҕин чаҕылхайдык ааҺан, “Хомоҕой тыллаах” диэн анал аакка тигистилэр.