Гоголев В.И.- айыл5аттан уйдарылаах Уйул5ан

Василий Иннокентьевич Гоголев – Уйулҕан

Василий Иннокентьевич Мэҥэ-Хаҥалас Балыктааҕыттан төрүттээх.
Дьокуускай куорат 33 № орто оскуолатыгар уруһуй, технология  учууталынан ситиһиилээхтик үлэлии-хамсыы сылдьар.
Василий Иннокентьевич сүрүн үлэтин таһынан айар үлэнэн утумнаахтык дьарыктанар. Ол курдук Үөһээ Бүлүүгэ үлэлии сылдьан, холуобунай ирдэбил үлэтин сырдатар, «Суор тиһэх кыланыыта», -диэн видеодетектив сценарийын суруйан, уус- уран киинэ устубута. 2000 с. Дьокуускай куоракка, республикаҕа дьон-сэргэ киэҥ биһирэбилин ылбыта.
Василий Иннокентьевич хоһоон айар эбит буоллаҕына кэлин бэйэтин прозаҕа холонон көрөр баҕа санаатын толорон, икки сэһэни суруйан кинигэ таһаартарда. Бастакы, Аҕа  Дойдуну көмүскүүр сэрии сылларыгар, 1942с. чурапчы оройуонун 41 холкуоһун хоту, Булуҥ, Эдьигээн, Кэбээйи оройуоннарыгар күүс өттүнэн көһөрүү туһунан, «Көһөрүллүү» – диэн ааттаах кинигэтэ «Бичик» издательстваҕа бэчээттэнэн тахсыбыта. Бу сэһэни Василий Иннокентьевич ахтыыларга, история чахчыларыгар олоҕуран, уус-уран сэһэн гынан суруйбута. Иккис кинигэтэ «Хоһуун таас», -диэн. Бу Василий Иннокентьевич дьикти уонна сэдэх дьылҕалаах ийэтин, Герой Ийэ, Гоголева Екатерина Васильевна 100 сааһыгар ананан суруйбута.
Сэһэннэри хараҕа суохтар республикатааҕы библиотекалара аудио кинигэ гынан таһаарбыта. Бу кинигэлэр ааҕааччи киэҥ биһирэбилин ылбыттара.
Василий Иннокентьевич «Ийэкээм”, – диэн хоһоонугар Роман Степанов матыып айбыта. Бу ырыаны Константин Степанов олус иэйиилээхтик толорбута. Василий Иннокентьевич бу ырыаҕа клип устубута. Бу ырыа Радио Виктория Саха, Саха Радио, САХА НКИК «Саҥа күн” программаларыгар,  прямой эфирдэринэн сүрэхтэнэн, тахсыбыттара,
Ону сэргэ Василий Иннокентьевич Улуу Кыайыы 70 сылыгар памятник оҥорон, Мэҥэ Хаҥалас Маттатыгар туруоран олохтоохтор махталларын ылла.